Karjalan pälidnas sanelusiden kirjutamižen sijan linneb Petroskoin universitet. Akcijan ühtnikad keradasoiš 19. sulakud universitetan kirjištos.
“Saneluz vepsän da karjalan kelil” -akcii mäneb Petroskoiš kanman Karjalan da vepsän kirjutuzkelen päiväd jo 11. kerdan. Täl vodel vepsänkeline saneluz om omištadud perehen temale. Sen lugeškandeb Karjalan arvostadud artist Aleksandra Aniskina.
— Olen mugošt mel’t, miše kaikuččele, ken armastab ičeze kodikel’t, pidab ühtneda neche akcijaha. Mindai ihastoitab, miše rahvahal om äi voimusid kirjutada saneluz: voib tulda kirjutamha ühtes meidenke vai kirjutada se toižel päiväl kodiš videorolikan kacten, sanui Aleksandra.
Videorolik sanelusenke vepsän kelel lähteb Karjalan telenägudesen efiras 23. sulakud. Ližatedoid akcijas voib sada tägä.
Saneluz vepsän kelel mugažo kirjutadas toižiš Karjalan tahoiš: Šokšus, Šoutjärves, Kalages.