Šulakuun 9.—11. päivänä Karjalaisen Pakkasen apulaini Luminaini rupieu ruatamah Venäjä-näyttelyn Karjalan ošaštolla.
Luminaini rupieu opaštamah näyttelyn vierahie karjalan kieleh. Joka halukaš tiijuštau kuin karjalan kieli kuuluu, mitein lukie ta šanuo karjalakši. Luminaisena esiintyy Irina Nikitina, karjalan kielen opaštaja Aunukšešta.
— Starinahahmon piäerikoisukšena on še, jotta hiän tietäy karjalan kieltä, kummaista hiän eistäy ta kumpaseh tuttavuštau kaikkie halukkahie. Ihmiset aina šanotah, kuin kaunehešti kieli kuuluu, kyšytäh mitänih šanuo tahi laulua, työntyä tervesie tahi toivomukšie lähisillä. Mie tahon antua omat tiijot näyttelyn vierahilla ta lahjottua karjalaisen šielun palani, šano Irina Nikitina.
Opaštujien apulaisiksi tullah kirjaset “Karjalan kieltä viiješšä minuutissa”. Kaikki vierahat voijah niise ottua valokuvie taulukkojen kera, kumpasissa on karjalankieliset šanat ta virkkehet.
Luminaini on šoma ta hyväšiämini šankari, hiän šuvaiččou lapšie ta aikuhisie. Hiän on taitaja muasteri ta emäntä: luatiu käsitöitä ta sriäpiy makeita kalittoja, kalakukkoja, keittäy kala- ta šieniruokie. Luminaini on Aunukšen tai koko Karjalan simvoli.
Aihiešta voit lukie niise šuomekši.