Kuulen omua pakinua -nimini marafoni alko Karjalašša. Šen aikana Karjalan tietokeškukšen kielen, kirjallisuon ta istorijan instituuttih voipi työntyä karjalan- ta vepšänkielisie nauhotukšie.
Marafonin ošallistujan pitäy nauhottua ta kuvata videoh ihmistä, kumpani muamonkielellä kertou iččieštä, omahisista, perehtavoista, kotimuašta, istorijašta, uškomukšista, legendoista, mukavista tapahukšista ta toisista teemoista.
— Marafonin parahat nauhotukšet myö panemma VepKar-kielikorpussih. Tähomma, jotta šielä olis enemmän näuhotukšie Karjalan tašavallašta, Murmanskin, Leningradin, Vologdan, Tverin alovehelta šekä toisista paikoista, missä karjalaiset ta vepšäläiset eletäh, šano marafonin järještäjä Karjalan tietokeškukšen kielen, kirjallisuon ta istorijan instituutin tietomieš Aleksandra Rodionova.
Marafoni on omissettu Karjalan kielituttkijilla Grigorii Makarovilla ta Matvei Hämäläisella.
Instituutin lisäkši marafonin järještäjinä ollah Petroskoin yliopisto ta Karjalaisien IX kerähmön valtuutettujen neuvošto.
Lisyä tietuo marafonista voipi löytyä tapahtuman Vkontakte ryhmäštä.
Aihiešta voit lukie niise šuomekši, vepšäkši ta venäjäkši.