Kalevalašša alettih rakentua uuši päiväkoti
Karjalan hallitukšen piäministerin šijahini Larisa Podsadnik kävi Kalevalašša. Työmatan aikana hiän näki, mitein valmissetah paikkua uuvven päiväkojin rakentamisekši. Ruavot alettih 19. oraškuuta. Rakennukšešta vaštuau KSM-rakennušfirma. Nyt on valmissettu paikka uutta rakennušta varoin. Rakentajat kunnoššetah väliaikaista tietä.
— Uutta päiväkotie oikein vuotetah Kalevalašša. Nyt noin 300 lašta käyt vanhoissa päiväkotiloissa. Kalevalalaiset pyyvettih uuši päiväkoti ta Karjalan piämieš lupasi rakentua še pos’olkašša. Šuuret ruavot on šuunnitelmissa kešäkši. Vuotena 2024 päiväkoti avuau ovet, šano Larisa Podsadnik.
Uuvvešša päiväkojissa voipi käyvä 300 lašta. Šen pihašša kunnoššetah urheilu- ta leikkikenttä. Rahua päiväkojin rakentamiseh šuatih federalisešta b’utžetista.
